అమెరికాలోని ఫిలాడెల్ఫియా వేదికగా ఫిఫా ప్రపంచకప్ గ్రూప్ ఇలో భాగంగా ఐవరీ కోస్ట్, ఈక్వెడార్ జట్ల మధ్య ఉత్కంఠభరిత పోరు సాగింది. ఆరంభం నుంచే రెండు జట్లు దాడి ఆటకు ప్రాధాన్యమివ్వడంతో మ్యాచ్ వేగంగా సాగింది. అయితే ప్రథమార్ధంలో ఇరువైపులా దాడులను సమర్థంగా అడ్డుకోవడంతో గోల్స్ నమోదు కాలేదు.
రెండో సగంలోనూ ఇదే పరిస్థితి కొనసాగగా, చివరి నిమిషాల్లో మాత్రమే ఫలితం తేలింది. 90వ నిమిషంలో అమద్ డయాలో గోల్ చేయడంతో ఐవరీ కోస్ట్ 1-0 తేడాతో విజయకేతనం ఎగురవేసింది. ఈ ఫలితంతో ప్రపంచకప్లో ఐవరీ కోస్ట్ తొలి గెలుపును సాధించింది.
