నల్గొండ జిల్లా, తిరుమలగిరి తాలూకా ఫణిగిరి గ్రామంలో గట్టు సింహాద్రయ్య, గట్టు నరసమ్మ దంపతులకు రెండో సంతానంగా జన్మించారు పొట్టి వీరయ్య. మంగళ్ గోపాల్ సహాయంతో 1967లో మద్రాస్ వెళ్లి, శోభన్ బాబు సలహా మేరకు విఠలాచార్యను కలిసి 'అగ్గివీరుడు' చిత్రంతో తెరంగేట్రం చేశారు. తర్వాత దాసరి నారాయణరావు ప్రోత్సాహంతో 'తాతా మనవడు', 'రాధమ్మపెళ్లి' వంటి చిత్రాల్లో నటించిన ఆయన.. ఎన్టీఆర్, ఎమ్జీఆర్, అక్కినేని, శివాజీగణేశన్ వంటి దిగ్గజాలతో కలిసి 500కు పైగా సినిమాల్లో నటించారు.
భార్య మల్లిక 2008లో మధుమేహంతో మరణించగా, సుమారు ఐదేళ్ల క్రితం పొట్టి వీరయ్య కూడా అనారోగ్యంతో కన్నుమూశారు. 2021 ఏప్రిల్ 25న తీవ్ర గుండెపోటుకు గురైన ఆయనను ఆస్పత్రికి తరలించినా, పరిస్థితి విషమించి అదే రోజు మరణించారు. ఆయన కూతురు విజయ దుర్గ గతంలో పలు సినిమాల్లో నటించినా, ప్రస్తుతం సోషల్ మీడియాలో చురుకుగా ఉంటూ తన భర్తతో కలిసి యూట్యూబ్ ఛానెల్ నిర్వహిస్తోంది.
