గుంటూరు కారం తర్వాత మహేశ్ బాబు రాజమౌళి దర్శకత్వంలో వారణాసి చిత్రంలో నటిస్తున్నారు. వచ్చే ఏడాది ఏప్రిల్ 7న విడుదల కానున్న ఈ మైథాలజికల్ యాక్షన్ అడ్వెంచర్ ఫిల్మ్ను బాహుబలి, ఆర్ఆర్ఆర్ కంటే విస్తృతంగా పాన్ వరల్డ్ స్థాయిలో తీసుకెళ్లనున్నారు. ఇప్పటి వరకు పాన్ ఇండియా సినిమాలు చేయని మహేశ్ ఈ చిత్రంతో అంతర్జాతీయ స్థాయికి వెళ్లబోతున్నారు.
వారణాసి షూటింగ్ త్వరలో పూర్తి కానుండటంతో మహేశ్ బాబు తన 30వ సినిమా (ఎస్ఎస్ఎంబీ30) ఎవరితో చేస్తారనే చర్చ తెలుగు చలనచిత్ర పరిశ్రమలో మొదలైంది. పెద్ది దర్శకుడు బుచ్చిబాబుతో మైథాలజికల్ ప్రాజెక్ట్ చేయబోతున్నట్లు వార్తలు వచ్చాయి. దీనిపై స్పందించిన బుచ్చిబాబు, సమయమే నిర్ణయిస్తుందని తెలిపారు. అయితే పెద్ది సినిమాకు మిశ్రమ స్పందన రావడంతో సూపర్ స్టార్ ఆయనకు అవకాశం ఇస్తారా అనే సందేహం నెలకొంది.
బుచ్చిబాబు కంటే ముందే సందీప్ రెడ్డి వంగా మహేశ్ బాబుతో సినిమా ప్లాన్ చేసుకున్నారు. యానిమల్ కంటే ముందే డెవిల్ కథను సిద్ధం చేసి మహేశ్కు వినిపించినా అది కుదరలేదు. అయినా త్వరలో ఈ కాంబో సెట్ అయ్యే అవకాశాలు కనిపిస్తున్నాయి. గతంలో పలు ఇంటర్వ్యూలలో మహేశ్తో సినిమా చేస్తానని చెప్పిన సందీప్, ప్రస్తుతం స్పిరిట్ సినిమాతో బిజీగా ఉన్నారు. ఆ సినిమా పూర్తయిన వెంటనే మహేశ్ 30వ చిత్రాన్ని డీల్ చేస్తారనే ప్రచారం సాగుతోంది.
మరోవైపు మహేశ్ బాబు అనిల్ రావిపూడితో ఒక ఫ్యామిలీ ఎంటర్టైనర్ చేయాలని ఆలోచిస్తున్నట్లు కూడా వార్తలు వస్తున్నాయి. చివరికి మహేశ్ ఎవరికి అవకాశం ఇస్తారో తెలియాల్సి ఉంది. ఎవరితో సినిమా చేసినా రాజమౌళి సెంటిమెంట్ను బ్రేక్ చేయాల్సి ఉంటుంది.
