తమిళ చిత్ర పరిశ్రమలో నటుడు, దర్శకుడు, నిర్మాత, గాయకుడిగా విశేష ఖ్యాతి గడించిన ధనుష్ తన తదుపరి దర్శకత్వంలో కుమారుడు యాత్రను వెండితెరకు పరిచయం చేయబోతున్నారు. 19 ఏళ్ల యాత్ర ఇప్పటికే నటన, నృత్య శిక్షణతో పాటు సిక్స్-ప్యాక్ బాడీ కోసం కసరత్తులు చేస్తుండగా, లుక్ టెస్ట్ కూడా పూర్తయింది. కోలీవుడ్ వర్గాల సమాచారం ప్రకారం భారీ బడ్జెట్ మాస్ కమర్షియల్ ఎంటర్టైనర్గా రూపొందే ఈ సినిమాపై అధికారిక ప్రకటన మాత్రం ఇంకా రాలేదు.
ముందుగా తన మేనల్లుడు పవిష్ను 'నిలవుక్కు ఎన్మేల్ ఎన్నడి కోబం' చిత్రంతో పరిచయం చేసిన ధనుష్, ఇప్పుడు స్వంత కుమారుడిని హీరోగా నిలబెట్టడంతో రజనీకాంత్ అభిమానుల్లోనూ భారీ అంచనాలు నెలకొన్నాయి. ధనుష్ ప్రస్తుత నటన ప్రాజెక్టులు పూర్తయిన వెంటనే షూటింగ్ ప్రారంభించేందుకు చిత్ర బృందం సన్నాహాలు చేస్తోంది. త్వరలోనే అధికారిక ప్రకటనతో పాటు భారీ లాంచ్ ఈవెంట్ నిర్వహించేందుకు ఆర్టేక్ స్టూడియోస్, వుండర్బార్ ఫిల్మ్స్ సంస్థలు ప్లాన్ చేస్తున్నాయి.
