ఎప్రిలియా ఇండియా సంస్థ తన కొత్త టుయోనో 457 స్పెషల్ ఎడిషన్ మోటార్సైకిల్ను భారత మార్కెట్లో అందుబాటులోకి తెచ్చింది. దీని ధరను రూ.3.99 లక్షలు (ఎక్స్ షోరూమ్)గా నిర్ణయించారు. ప్రస్తుతం ఎంపిక చేసిన కొన్ని షోరూమ్లలోనే ఈ బైక్ కోసం బుకింగ్లు స్వీకరిస్తున్నారు.
2006లో వచ్చిన ట్యూనో 1000R మోడల్ నుంచి ప్రేరణ పొంది, ఈ స్పెషల్ ఎడిషన్కు రెండు కొత్త లివరీలను అందించారు. మాంబా బ్లాక్, పూమా గ్రే అనే రెండు కొత్త రంగుల్లో, కొత్త గ్రాఫిక్స్ డిజైన్లు మరియు లోగోలతో ఈ వాహనం కనిపిస్తుంది.
ప్రయాణికుల సౌకర్యం కోసం ఈ బైక్లో పలు ఎర్గోనామిక్ మార్పులు చేశారు. నిటారుగా కూర్చునే రైడింగ్ పొజిషన్ కోసం హ్యాండిల్బార్లను ఎత్తుగా అమర్చగా, సుదూర ప్రయాణాలకు అనుకూలంగా సీటులో మార్పులు చేశారు. అలాగే భారతీయ రోడ్లపై మెరుగైన పనితీరు కోసం సస్పెన్షన్ వ్యవస్థను మెరుగుపరిచినట్లు కంపెనీ తెలిపింది. ఇందులో కొత్త స్మోక్డ్ ఫినిష్ ఏరోడైనమిక్ ఫ్లైస్క్రీన్ కూడా ఉంది.
ఇంజిన్ సామర్థ్యంలో మాత్రం ఎటువంటి మార్పులు లేవు. ఇది 457 సీసీ ప్యారలల్ ట్విన్ ఇంజిన్తోనే కొనసాగుతోంది. ఈ ఇంజిన్ 46.9 బిహెచ్పి (బ్రేక్ హార్స్ పవర్) శక్తిని, 43.5 ఎన్ఎమ్ (న్యూటన్ మీటర్) టార్క్ను ఉత్పత్తి చేస్తుంది.
